Lárus, Eyrún og Ásthildur í Bandgasse

Fyrstu leikirnir í EM 2008(TM) búnir, Portúgalar sýndu hvað í þeim býr, en það er auðvitað ekki hægt að dæma alveg um hvernig liðin eru fyrr en í næstu umferð. Þegar að varnarliðin Sviss og Tékkland mæta sókndjarfari Tykjum og Portúgölum, þá sér maður þetta betur.

 Í dag leika Austurríkismenn sinn fyrsta leik á móti Króötum, miðað við hvað maður les heima trúa því fæstir að Austurríki nái að gera nokkurn skapaðan hlut. En lið sem kemst 3:0 yfir gegn Hollandi getur ekki verið alslæmt, ég trú því að mínir menn stríði hinum liðunum og geti jafnvel komist í átta liða úrslit. Það er samt fyndið að lesa hvað íslenskir fjölmiðlamenn skrifa um austurríska liðið, á visir.is stóð að liðið treysti á Rene Aufhauser og Joacim Standfest. Ok, Aufhauser er “tudda”-miðjumaðurinn þeirra og öflugur í loftinu, en það er langt því frá að liði treysti sérstaklega á Standfest, í vörninni eru það frekar Stanzl hjá Spartak Moskau, Emanuel Pogatetz hjá Middlebrough og svo 20 ára gamli Sebastian Prödl. En fyrst og fremst treystir liðið á Andreas Ivanschitz sem er fyrirliðinn þeirra 25 ára “Spielmacher” þ.e. sá sem liðið treystir til að byggja upp skyndisóknir og taka föst leikatriði. Svo vona ég að Ümit Korkmaz og Erwin Hoffer sýni hvað í þeim býr, ungir og snöggir gaurar sem gætu strítt gömlum varnarmönnum eins og t.d. hjá Króatíu.

Við skellum okkur niður á Fan Zone í miðborg Vínar á eftir og fylgjumst með leiknum, íklædd rauðu og hvítu.

Ciao,

Lalli

Það var náttúrulega æðislegt að við komumst loksins í úrslitin og rosalega gaman að geta haft smá stemmingu á úrslitakvöldinu. Við buðum íslensku krökkunum til okkar og það var rosa stuð hjá okkur. Leiðinlegt bara hvað það var sjaldan sem við fengum stig, en við stóðum okkur samt rosalega vel, það er bara erfitt að keppa við austrið. En það er kannski allt í lagi, afhverju mega þau ekki standa sig vel? Uppáhaldslagið mitt fyrir utan íslenska var lagið frá Úkraínu, var frekar fúl að það hefði ekki bara unnið. Mér fannst lagið frá Rússunum ekki svo fínt. Úff ég er að hlusta á rússalagið núna á youtube frá undanúrslitunum og metrókallinn er nú bara nokkuð vel falskur. En jæja það er nú ekki hægt að gráta þetta meira, við verðum bara að halda áfram að taka þátt og vera með stemmarann á lofti. ÁFRAM ÍSLAND.

Annars er ég ennþá kvefuð og fór þess vegna ekki með í vorferðina hjá Íslendingafélaginu í dag. Mega fúlt, en ég fæ að fara í kvöld og hitta Önnu Bryndísi vinkonu mína og knúsa hana aðeins í staðinn. Ég ætla bara að hafa það notalegt í dag og prjóna. Ég er orðin alveg handavinnu óð, kláraði húfuna í gær og nú er það bara að byrja á treflinum. Ég ætla svo að taka myndir af þessu og setja hérna inn. Þetta er bara svo gaman, líka í fyrsta skipti sem ég er að gera eitthvað sem ég get svo hugsað mér að nota.

Ég hugsa að það stefni samt allt í það að ég geti ekki farið í skólann á morgun:( ég get lítið sungið með svona stíflað nef. Þó svo að það sé nú voðalega lítið á röddinni.

En við fórum á föstudaginn í 20.vikna skoðunina og þá leit allt svona glimrandi vel út. Sónarkallinn var bara rosa skotinn í krúttinu okkar sem við vorum líka, við brostum alveg hringinn allann daginn eftir skoðunina. Ohh þetta er svo góð tilfinning, ég get bara varla beðið eftir því að fá barnið í hendurnar. En tíminn er nú búinn að vera fljótur að líða hingað til og hann verður örugglega áfram fljótur að líða, Hanna og Dóri fara að koma til okkar, svo eru bara prófin og svo förum við heim. Svo verður tíminn örugglega ekki lengi að líða heima, alltaf svo margt að gera og gott fólk til að vera í kringum. Svo kemur september og þá er bara mánuður til stefnu og við höfum fullt að gera þá að undirbúa komu erfingjans. Víhhí.

En ég ætla að koma mér vel fyrir uppí sófa og horfá Gilmore og prjóna.

Bestu kveðjur frá Vínarborg

Eyrún og Bumbulína

Hann var uppáhaldið mitt, og mér finnst þetta geggjað flott hjá honum. Hann er bara með svo geggjaða rödd. Mmmm ég fæ alveg gæsahúð. En hinn David var líka góður.

Annars er 20 vikna skoðun á morgun alveg eldsnemma. Það verður gaman að fá að sjá Bumbus aftur. Sjá hvað hann er búinn að stækka mikið. Ég vona bara að allt verði eins og það eigi að vera. Mér finnst bumban samt ekkert stækka, og ég er ekki búin að taka neina alvöru bumbumynd fyrir utan eina sem við tókum þegar ég var gengin ca. 12 vikur og þá var engin “alvöru” bumba. Við förum nú vonandi að bæta úr því og þá skelli ég einni hérna inn. Mér finnst samt ótrúlegt að ég sé hálfnuð, þetta líður rosalega fljótt og áður en við vitum af verðum við orðin þrjú. Úff ég get eiginlega ekki beðið, það á eftir að vera svo notalegt.

En ég er hins vegar að verða eitthvað smá lasin, með illt í hálsinum og þreytt. Ég er samt heppin því að það er frídagur í dag og ég ætla þess vegna að leggjast upp í sófa núna og klára teppið handa bumbusi og horfa á eitthvað skemmtilegt. Kannski að maður leggji sig svo bara á framhaldi af því:) Mmmm bara lúxus. Svo er auðvitað Júrópartý í kvöld og maður mætir auðvitað eins og sannur íslendingur til að styðja sitt fólk. Áfram Júróbandið!!!

Bið að heilsa og takk fyrir allar kveðjurnar,

Eyrún

Varð alveg heilluð af þessu lagi þegar það kom í american idol seinast. Það er búið að vera á repeat síðan:)

Enjoy

Tónleikarnir gengu alveg rosalega vel og þetta var mikil upplifun að fá að syngja með stúlknakórnum og í þessari fallegu kirkju. Gærdagurinn var allur alveg ofboðslega notalegur og svo gott að fá Margréti í heimsókn. Hún náði auðvitað að draga mig aðeins í búðir og skemmtum við okkur alveg rosalega vel. Núna sakna ég hennar alltof mikið og allra heima á Íslandi og er með meiri heimþrá en nokkru sinni fyrr. Þetta verður vonandi fljótt að líða.

Við Lalli vorum líka alveg rosalega heppin í dag þegar við vorum á leiðinni í búð til að gera helgarinnkaupin. Fundum þessi fínu kristalsvínglös sem voru 6 á 6 evrur. Spottprís. Núna eigum við kristalsbjórglös og kristalsvínglös. Nokkuð fín á því.

Svo er HM byrjað eins og flestir hafa örugglega tekið eftir. Ég held að ég eigi eftir að sjá lítið af mínum ektamanni næstu daga. Ég er alltaf að reyna samt að vera meira með og skilja þennan leik en leikmennirnir eru bara einfaldlega of margir og leikurinn of flókinn fyrir mig:) Ég er búin að spyrja Lalla oftar en 10 sinnum hvað rangstæður sé en ég bara ætla ekki að ná því. En ég er alltaf að læra…kannski kemur það í 11 skiptið.

Þangað til næst….

Eyrún

Ég er ekki duglegur bloggari.

Annars hef ég það gott, nema að ég er með heimþrá. Vaknaði með heimþrá á föstudaginn held ég. Það væri gott ef maður gæti bara skroppið heim eins og maður vildi, og það tæki bara 2 klukkutíma. Það er hæfilega langur tími, ekki of stutt þá væri það ekkert sérstakt að koma heim, og ekki of lengi því þá er það ekkert skrepp.

Það verður gaman fyrstu dagana þegar við erum komin heim, því þá er allt svo sérstakt. Maður þarf að gera allt þetta skemmtilega aftur sem maður er búinn að sakna svo. Ég ætla að fara í göngutúr með Skugga besta á Gáseyri um kl 11 að kvöldi. Vera úti í fjörunni, fá sjávarloftið beint í æð og horfa á sólina enn á lofti og ef ég er heppin þá get ég kannski séð hana setjast. Séð fallegu litina sem hún gerir á fjörðinn og himininn. Svo ætla ég líka að fara í göngutúr í Kjarna og fá mér svo Brynjuís á eftir. Æjæjæjj ég ætla að gera svo marga hluti í sumar, ég vona bara að ég geri þá.

Ég er eins og spælt egg í dag. Borðaði tvær falafelpítur í dag, algjör hámari. Svo sofnaði ég yfir sjónvarpinu, sem ég er næstum búin að gera á hverjum einasta degi í fríinu okkar. Núna erum við bráðum að fara að borða, svo held ég að við horfum nú bara á sjónvarpið í kvöld. Við fórum á vídjóleigu í gær til að eiga spólur fyrir kvöldið þar sem það er lokað á sunnudögum eins og allt annað. Við tókum Broken Flowers með Bill Murray og svo Collateral með Tom Cruise. Ég sofnaði yfir Broken Flowers svo ég get lítið sagt um hana en við erum búin að sjá Collateral og hún er góð.

Svo vorum við rosalega spennt yfir kosningasjónvarpinu í gær, að vísu kíktum við áður á pubbinn hérna niðri í húsinu okkar til að drepa tímann þangað til sjónvarpið byrjaði. Við vorum aðeins of lengi og ég var orðin ansi hress þegar við komum okkur svo upp til að horfa á netinu. Ég nennti nú ekki að vaka eins lengi og Lalli sem vakti til að verða fimm. Ég steinsofnaði uppí rúmi. En það verður fróðlegt að sjá hvernig þetta endar á Akureyri, hverjir enda í meirihluta og hver verður bæjarstjóri.

Þessir frídagar eru hinsvegar búinir að vera fljótir að líða og ég get ekki alveg annað sagt en að ég nenni eiginlega ekkert rosalega mikið í skólann á morgun. Við erum búin að hafa það gott í hjólatúrum og skemmtilegheitum með vinum. Áttum mjög súrt kvöld með Jóni, Sigga, Bryndísi og Gilla á miðvikudagskvöldið og er eiginlega ekkert hægt að segja meira um það.

Svo koma Hanna og krakkarnir til okkar á morgun. Við hlökkum til.

Eyrún

p.s var að setja nýjar myndir inn á myndasíðuna okkar

Í dag var ekkert svo spennandi veður í Vín, þannig að ég og Lalli höfðum það bara gott heima. Ég vaknaði ekki fyrr en um hádegi og fékk mér kókópöffs í morgunmat..mmm.

En við erum nýbúin að finna geggjaða vídjóleigu hérna rétt hjá okkur. Þar er hægt að leigja allt á milli himins og jarðar, og í gærkvöldi leigðum við Madagaskar og Brokeback Mountain. Þær eru báðar alveg ótrúlega góðar en auðvitað mjööög ólíkar. Við náðum hinsvegar ekki að horfa á báðar í gærkvöldi þannig að við horfðum á Brokeback í dag. Meira að segja tvisvar því hún er svo góð. Hún er samt svo skrítin en hún skilur svo mikið eftir sig. En þetta var alveg rosalega notalegur dagur.

(meira …)

óléóléóléólé óléóléóléólé
ma hott hott hott vúú
ma hott hott hott vúú

þetta var nú aldeilis skemmtilegur endir á skemmtilegri keppni.
Annars voru tvær spuringar sem tengdust Vínarborg og við Lalli vorum með þær alveg á hreinu.
Hver veit ekki að höfuðstöðvar alþjóða kjarnorkumálastofnunarinnar eru í Vín og að María Theresa átti fullt af börnum og ein af þeim var María Antoinette sem var hálshöggvin í frönsku byltingunni..svona er ég vel að mér.

Annars er ég hress…allt er að fara á fullt með óperuna Juliette sem verður frumsýnd 24. mars. Ég er í kórnum. Það verður held ég mjög skemmtilegt en líka erfitt.

Hef lítið annað að segja í augnablikinu annað en áfram MA…