Þriggja Vikna
Það er búið að vera mikið um að vera hjá okkur hér í Bandgasse seinustu viku, þess vegna höfum við ekki skrifað mikið. Amma og Afi í Klettaborg komu til okkar í heimsókn og eru búin að vera í viku, það er að segja amman. Afinn þurfti að vinna og fór þess vegna til Ítalíu á fimmtudaginn. Það er mikið búið að vera að dást að litlunni og taka svolítið af myndum. Afi Geiri fór nefninlega á námskeið í því að taka myndir á fínu myndavélina og náði alveg ótrúlega flottum skotum af stelpunni. Það er alveg ómetanlegt að eiga svona fallegar myndir af þessum tíma. Annars er hún Ásthildur bara að stækka, þroskast og dafna vel. Við erum komnar í mjög gott jafnvægi með brjóstagjöfina og hún er voðalega dugleg að drekka. Svo erum við búin að fara á hverjum degi í smá göngutúr og Ásthildur er búin að fara á fullt af kaffihúsum í Vínarborg. Alltaf ef við tökum hana upp úr vagninum á kaffihúsunum spyr einhver hversu gömul hún eiginlega er og dáist að henni og hvað hún er lítil. Mér sem finnst hún vera svo stór. Eina vesenið hérna í Vín með að setjast einhverstaðar niður er að það er svo mikil reykingastybba á flest öllum kaffihúsum Vínarborgar. Maður er sjálfur alveg að kafna og hættir sér varla þarna inn, hvað þá með svona lítinn gullmola. Ég held að við stundum bara Starbucks, eins kanalegt og það er en þeir eru þá allavegana með mjúka sófa og reyklaust.
Við erum búin að fá peninga…veiveivei. Nú er ég bara að bíða eftir Margréti og Mömmu svo við getum kíkt aðeins saman í búðir. Svo kláraði ég Arnald Indriða á þýsku, var að lesa Napóleonsskjölin eða Gletschers Grab. Ég skildi samt ekki plottið í henni 
En ég ætla að reyna aftur að lesa krimma á þýsku svo ég fór í gær og keypti 2 sænskar bækur eftir Cammillu Läckberg - Ísprinsessuna og Predikarann held ég. Ég hlakka til að lesa þær. En núna þarf ég að fara á fætur og fylgja Ástu á flugvöllinn. Vonandi hafið þið það gott hvar sem þið eruð. Fleiri fréttir seinna.
Hlustið svo á þetta lag, það er ótrúlega fallegt. Ég er að ná í þessa mynd og vona að hún sé jafn falleg og þetta lag.
október 25th, 2008 at 1:48 pm
Ooo þetta er svo falleg mynd! Ég fékk gæsahúð yfir laginu, nú er ég allveg með það á heilanum! Langt síðan ég hef séð þessa mynd.
Skemmtilegt að fá smá fréttir af lífinu ykkar litlu fjölskyldunnar. Ég er að íhuga að koma í smá heimsókn til ykkar í janúar ef ég má, og ef ég verð dugleg að vinna mér inn peninga. Væri svo gaman að labba með ykkur mæðgum á kaffihús og hafa það huggulegt. Bið að heilsa móður þinni og Margréti:)
október 25th, 2008 at 3:02 pm
Ég er bara að vera á undan Svölu að kommenta
október 25th, 2008 at 3:02 pm
jiminn eini, ég verð að segja að ég tek undir með Þórnýu að ég hafi fengið gæsahúð. Það er ekkert smá gott að heyra að þið eruð komin með pening og getið farið að gera eitthvað skemmtó
held svona í alvöru að ég kíki hérna inn á hverjum degi.. haldið áfram að segja hvað drífur á daga ykkar elskurnar.. ég tel niður til jóla
október 25th, 2008 at 3:05 pm
Hér kemur svo alvöru kommentið: Við Svala erum með tárin í augunum yfir þessu lagi (úr hvaða mynd er það).
Svala var að sjá kommentið frá mér núna, og við sprungum úr hlátri, bara smá að deila stemmingunni
Það er nú meira hvað hún Ásthildur litla er mannaleg, greinilega mjög áhugasöm um hinn stóra heim. Ótrúlega fallegar myndirnar af henni þriggja vikna. Það er svo gaman að fá að fylgjast með henni stækka og dafna.
Kossar og knús frá klakanum og kreppunni,
Soffía
október 25th, 2008 at 3:06 pm
oj.. soffía er sko in this for winning.. maður er ekki bara að vera með heldur sigra ! erum sko að læra saman uppí skóla á laugardegi, gera markaðsrannsókn og skrá inn tölur í SPSS (sem er svona nörra markaðsgreiningarforrit sem krosskeyrir spurningar).. búnar að skemmta okkur vel yfir því.. komnar með leyni orð yfir fólk og menntastig þeirra.. oj.. algjörlega að tapa okkur.. held að kennararnir okkar sem eru einmitt rosalegir nördar myndu verða svo rosalega ánægðir með okkur að það er ekki fyndið…
október 29th, 2008 at 12:53 am
Vá yndislegt lag. Þú verður að láta fylgja söguna hvort myndin var svo yndisleg líka.
Ég geri mig seka um að kíkja hérna á hverjum degi. Það er svo ótrúlegt að sjá myndir af Ásthildi og hvernig hún breytist, svona líka hratt!
Mikið vona ég að þið hafið það gott, og ég panta að sjá hana um jólin, annað gengur ekki!:)
október 29th, 2008 at 1:44 am
Þórný: þú ert alltaf velkomin elsku besta besta, fékk pakkann ykkar í gær og takk innilega fyrir. Þú færð nú betri þakkir frá okkur bráðum í formi bréfs og mynda:) Vonandi kemst ég sem fyrst í það en mér tókst að næstum því detta í gærkvöldi þegar ég var að hlaupa í eldhúsið til að taka ketilinn af…hehe. Ég held að það hafi örugglega verið mjög fyndið að sjá en afraksturinn af þessari snilli minni er sú að ég get bara rétt tillt fætinum niður á tábergið. Þetta lagast örugglega fljótt og á meðan verð ég að haltra um íbúðina með Ásthildi á arminum. En takk enn og aftur fyrir. Knús á ykkur systur.
Svala og Soffía: hehe þið eruð fyndnar og vonandi var gaman að gera markaðsrannsóknina
Haldið áfram að vera svona duglegar í skólanum og duglegar að kommenta;) p.s. lagið er úr myndinni Så som i himmelen eða As it is in heaven.
Lilja: Myndin er geðveikt góð. Mæli 100% með henni. Og ég skal gera mitt allra besta í því að verða við pöntuninni þinni. Mín væri ánægjan. Biðjum að heilsa þér og Bjarna.
Allir: takk fyrir að fylgjast með okkur og láta heyrast í ykkur. Ég ætla að reyna að blogga smá á morgun en á meðan Góða nótt…
nóvember 2nd, 2008 at 2:59 pm
Vildi bara segja að þessi bíómynd er snilld! Hef séð hana svona 1000 sinnum.
Gaman að heyra hvað allt gengur vel og ég skil hvað þú meinar þegar þú fagnar langþráðum peningum, í Svíþjóð hefur ekki gengið að taka út peninga frá íslenskum bönkum nú í næstum mánuð, ekki gott…
Gangi ykkur sem best með allt
Kveðjur
nóvember 11th, 2008 at 11:06 am
Langaði bara að kasta á ykkur kveðju! Ég kíki vandræðalega oft á þessa síðu, bíð í ofvæni eftir nýjum fréttum og myndum. Var ekki rosalega huggulegt með mömmu þinni og margréti? Mamma sagðist allaveganna hafa hitt mjög glaða og stolta ömmu fyrir stuttu:) Ég er búin að ýta á eftir mömmu og pabba að skipuleggja jólaboð í samvinnu við Fríðu og Unnar…hér eftir verður þetta hefð! Hlakka svo mikið til að sjá ykkur um jólin. Vona að all gangi vel og þið hafið það gott. Stórt knús
nóvember 12th, 2008 at 4:26 pm
Ofsalega fínar nýju myndirnar af ykkur…sætu sætu… Ekki nóg með að ég spami ykkur á msn, kíki ég, eins og Þórný, vandræðalega oft á þessa síðu.
Hlakka til að fá ykkur heim um jólin og elta ykkur út eftir áramót.