Lárus, Eyrún og Ásthildur í Bandgasse

Ítölskuprófið gekk alveg ágætlega, enda hjálpaði kennarinn okkur nokkuð mikið en ruglaði mig líka svolítið. Hann er svo ruglingslegur, hann er týpískur Ítali segir oftast svona 50 sinnum mamma mia! og madonna!í tímanum. Hann kann ekkert rosalega góða þýsku þannig að hann útskýrir ekkert mjög vel og mest af tímunum skil ég ekkert hvert hann er að fara. Hann segir oft einhverja setningu við okkur og við eigum að svara. Oftast skil ég ekkert hvað hann er að segja og get því ekki myndað svar við spurningu sem ég veit ekki hver er, svo hef ég engann orðaforða til að mynda svarið til að byrja með. Arg!

Svo lét ég hann alveg rugla mig í dag, prófið var sko þannig að við áttum fyrst að klára 10 setningar sem voru skrifaðar á blað og var það að beyja sagnirnar rétt og setja rétta forsetningu við. Svo áttum við að fara með eitt lítið ljóð á ítölsku fyrir hann. Í tímanum á undan prófinu sagið hann að sögnin uscire sem þýðir að fara út (ausgehen) væri alltaf með forsetningunni da nema þegar maður væri að fara að heiman þá væri það di casa. Ok ekkert mál, á prófinu kom sögnin uscire og ég setti strax da við og pældi lítið í því meira því hann sagði að það væria alltaf svoleiðis. Neinei þá var setningin þannig: ég fer út með vini mínum og þar af leiðandi átti það auðvitað að vera con eða með. En hann bara kann ekki nógu góða þýsku til að segja að uscire er alltaf með da þegar meint er að fara út en ekki fara með. Ég veit ekki hvort er hægt að skilja þetta hjá mér en ég verð bara aðeins að fá að pirra mig yfir þessum kalli. En þetta var eina villan sem ég var með því að hann leiðrétti eina hjá mér í prófinu og sagði mér hvað ætti að vera þar. En svo kunni ég ljóðið ekki nógu vel og þurfti alltaf að stoppa á milli til að muna hvað kæmi næst og bar það örugglega ekki alveg rétt fram eins og maður gerir bel canto eða eitthvað þannig að ég fékk 2. En ég er alveg ánægð með það, mest ánægð með það að ég á bara 3 annir eftir með þessum gæja, samt er það alltof mikið.

Núna er það bara Musiktheori madness og Tónheyrn, ég verð syngjandi 5undir, 6undir og 7undir næstu daga:)

Bæ á meðan,

Eyrún

HÚRRA, ég fór í söngtíma í dag og gat sungið og ég er ekkert þreytt í röddinni núna. Fór meira að segja líka í undirleik. En það sem ég var að gera var ekki mikið til að hrópa húrra yfir því ég er ekki í neinu formi. En þá er það bara að fara rólega af stað og koma sér aftur í fyrra horf. En víhhí ég er farin að geta sungið aftur:)

Við Lalli erum áfram bara í hollustunni og heilbrigðinu, en voðalega löt við að gera neitt annað en að hangsa heima. Kannski líka skiljanlegt þar sem við erum að fara í próf. Ég hlakka bara til að klára þetta af og komast í frí. Við verðum samt að vera dugleg að gera eitthvað skemmtilegt og nýtt í fríinu. Við ætlum allavegana að fara til Essen í afslöppunar og hressleikafrí. Svo förum við náttúrulega til Ísalalands í útskriftina hennar Láru sem verður kreisí gaman.

víhhí þangað til næst

Eyrún

Ég er ennþá ósönghæf, búin að fara til læknis og var víst með raddbandavírus. Verð rosalega dugleg um helgina að þegja og læra og vonandi get ég þá sungið eitthvað áður en skólinn fer í frí.

Annars er ég búin með eitt próf, og það var rússneska. Þá áttum við að lesa upp eitt ljóð sem við vorum búin að fara í fyrir kennarann og mér tókst það bara glimrandi vel. Allavegana það vel að hún sagði fullkomið og sagði að ég fengi hæstu einkunn. Víhhí. One down, 4 to go. Næst er ítalska, verð að vera solltið dugleg um helgina að æfa mig í henni.

Svo erum við bara nokkuð dugleg við að fara í ræktina, fór áðan í fitness check og var ég bara ágæt, aðeins undir meðallagi. Ég fékk 23 stig og meðaltal er 25 var þjálfarinn að tala um. Er ekki með rosalega gott þol og lét hann mig svo fá æfingarprógramm til að fara eftir til að bæta mig. Svo í mars panta ég aftur tíma með þjálfaranum mínum og hann gerir nýtt prógramm fyrir mig. Þá verður þetta ekki leiðinlegt. Það er gaman að vera í þessari rækt, það er vel hugsað um mann og maður fær góða þjónustu. Núna hefur maður ákveðin markmið og verður að standa sig. Allavegana er ég búin að ákveða að fara 3 sinnum í viku og æfa. En það besta er að fara í gufu á eftir:)

Svo er það bara að standa sig:)

Vona að röddin fari að koma aftur.

Eyrún

Þá erum við komin aftur út til Vínar og ég er ennþá lasin. Er núna búin að vera lasin í um 4 vikur og er farin að hafa áhyggjur af þessu. Þetta tekur allt of langann tíma að jafna sig og þess vegna ætla ég að kíkja til læknis á morgun. Vonandi er til einhver undralausn við þessu því að ekki getur maður beint verið söngkona ef það tekur mann meira en mánuð að jafna sig á flugferðum.

Annars er maður kominn í rútínuna aftur, prófin eru að koma og þess vegna erum við Lalli voðalega stillt og dugleg. Ég fer í próf í rússnesku á þriðjudaginn, ítölsku á miðvikudaginn í næstu viku og svo tónfræði, tónheyrn og tónlistarsögu á mánudag og þriðjudag í vikunni á eftir næstu. Svo erum við komin í frí;) í heilann mánuð. Þá ætlum við fyrst og fremst að hafa það gott í Vín, skreppa til íslands í útskrift hjá Láru stórusys og til Essen í heimsókn. Víhhí það verður gaman. Sérstaklega verður gaman að vera hér í Vín ef veðrið heldur áfram að vera svona gott. Úff það er yfir 10 gráðu hiti á hverjum degi hérna sem er alveg fáránlegt miðað við sama tíma í fyrra. Þá var algjörlega skítakuldi og snjór um allt.

Svo erum við Lalli byrjuð í ræktinni, enda var það Áramótaheitið okkar að hreyfa okkur meira og verða betur á okkur komin líkamlega. Æfa okkur fyrir allar fjallgöngurnar sem við ætlum að fara í sumar á nýju fjallaskónum mínum sem ég fékk í afmælisgjöf. Ræktin sem við erum í er rosalega flott, hrein og með nýjustu tækjunum. Hlaupabrettin og hjólin eru hver með sér sjónvarpi og getur maður þá bara valið hvað maður vill horfa á sem er mjög kúl. En ég er alveg ofboðslega ánægð með þessa rækt og líður vel þar. Víhhí.

Annars gengur mataræðið bara ágætlega, nokkurnveginn búin að snúa við aftur í heilsusamlegheitin eftir Jólaátið og líður miklu betur. Svo þarf maður bara að vera nokkuð duglegur til að ná af sér þessu smáræði sem kom um jólin:)

Við erum bara rosalega hress og finnst gaman að vera komin aftur “heim”

Heyrumst fljótt

Eyrún

Núna eru Jólin alveg að líða og nýtt ár gengið í garð. Jólin eru búin að vera yndisleg þrátt fyrir smá hálshæsi og kvef, en eins og alltaf er maður orðinn tilbúinn á þessum tíma til að takast á við nýja árið af krafti. Orðinn dálítið þreyttur á öllu átinu, sleninu fríinu og svefninum og langar aðfara að taka á því. Að vísu er stuðið ekki svoleiðis hjá mér í augnablikinu því að ég er með þvílíkann hausverk núna en á eftir að klára yndislega fyrirlesturinn minn svo ég geti farið í helgarfrí. Því ætlum við að eyða hjá henni Láru systur í höfuðborginni og hitta eitthvað af vinum og ættingjum. Svo er það bara langt ferðalag á mánudaginn og svo þarf ég að flytja fyrirlesturinn á þriðjudaginn. Svo tekur við lærdómstími því prófin eru í endanum á janúar.

Árið 2006 var gott ár. Það sem stóð uppúr var að ég og Lalli trúlofuðum okkur. En aðrir góðir hlutir sem gerðust líka voru að ég náði eitt skipti fyrir öll að komast í kjörþyngd og þar ætla ég að vera. Svo er tíminn í Vínarborg auðvitað búinn að vera alveg yndislegur og það var gaman að koma aftur í haust og vita algjörlega við hverju var að búast. Lalli komst inn í háskólann og er að standa sig þar með eindæmum vel sem er alveg frábært og mér líkar alltaf betur og betur í skólanum mínum, fékk bara góð komment á seinustu árgangstónleikum. Svo söng ég í fyrsta skipti hér heima eftir að ég fór út um jólin og get ekki sagt annað en að það hafi gengið vel þrátt fyrir smá kvefskít. Datt ekki í hug hversu góðar undirtektir ég fékk og hlakka til að halda tónleika heima í sumar. Sumarið hér heima var gott og vorum við dugleg að vinna, ég var í fínni vinnu á sjúkrahúsinu og leið vel þar. En það besta við sumarið var tíminn hja Láru í Reykjavík í enda sumarsins og svo ferðalagið okkar Lalla hringinn í kringum landið.

Ég vona að árið 2007 verð jafn gott og árið 2006, þá mun ég vera ánægð

innilegar jóla og nýárskveðjur

Eyrún