Lárus, Eyrún og Ásthildur í Bandgasse

Komin heim heil á höldnu, komum á undan vonda veðrinu en það skal haft á hreinu að við stöndum samt ekki fyrir því. Ég átti svo afmæli og var það rosalega góður dagur, takk allir fyrir afmæliskveðjurnar. Finnst ofboðslega skrítið að ég verði næst 22 ára. Úff tíminn líður hratt.

Svo ætlaði ég bara að óska öllum nær og fjær Gleðilegra Jóla og vona að þið eigið notalegan tíma með ykkar nánustu. Vona líka að ég nái að hitta sem flesta sem verða eitthvað hér fyrir norðan:)

ykkar, Eyrún.

P.S Ég syng einsöng í Akureyrarkirkju í Hátíðarmessu á Jóladag og byrjar hún kl 14. Þætti gaman að sjá vinarlega hnakka á meðan ég syng;)

Í dag er vika í brottför heim á leið. Ég get alveg sagt að ég hlakka alveg ofboðslega til. Satt að segja hugsa ég um fátt annað. Get ekki hugsað mér að hugsa eitthvað um skólann og hvað þá læra eða æfa mig.

Í dag ætlum við að kúrast í jólastemmingu hér í Vín og kíkja í mannmergðina í bænum. Við þurfum að klára að versla nokkrar jólagjafir. Erum samt búin að vera nokkuð dugleg og eigum bara nokkrar eftir.

Úff það er ekkert til að segja eiginlega…

Við eða mest megnis ég var þunn í gær sökum gríðarlegs partýs í skólanum hennar Kristínar þannig að við settumst niður í Burggarten og borðuðum gulrætur og drukkum vatn. Hljómar ekki vel við þynnku en virkar..belívjúmí. Annars var um 15 stiga hiti hér í Vín í gær þannig að okkur varð ekkert kalt. Svo fórum við á bestasta kaffihúsið og ég fékk mér hátíðarsparikaffi. Það er espresso með rjóma og pínu sykri..úff..algjört nammigott. Við fórum líka á Naschmarkt og fengum okkur sushi með Kristínu. Það var gott.

Svo vorum við bara róleg og gerðum jólakort í gærkvöldi. Ég skal ná að senda út þessi jólakort þetta ár. Úff þetta er alveg merkilegt hvað ég ætla mér alltaf að skrifa jólakort og senda þau en hef held ég aldrei gert það. Í ár mun það vonandi takast.

æjihh það er ekki miklu að segja frá, eins og þið vitið eru jólin að koma og ég hlakka til að knúsa alla heima á íslandi

Kveðja,

Eyrún