Lárus, Eyrún og Ásthildur í Bandgasse

Búin í prófum, búin í skólanum, búin með þýskuna, búin á því.

Það gekk bara allt vel, var í gær í hljómfræðiprófinu og tónheyrn. Var búin að vera dugleg að læra og sérstaklega fyrir tónheyrnina því ég er verri í henni. Samt klúðraði ég alveg tónbilunum, var solltið fúl yfir því. En ég fékk samt góðar einkunnir.

Solfeggio er tónheyrn og Stimmkunde er tími sem læknir var að kenna og þar lærðum við um anatómíuna í kringum röddina…Svo er 1 best og 5 er fall.

Söngur: 1
Undirleikur:1
Lesen und Hören:1
Sprechen und Schreiben:1
Grammatik:1
Musiktheorie:1
Solfeggio:2
Stimmkunde:1

Ég á svo eftir að fá út úr Píanótímunum…Allavegana er ég mjög ánægð…

Nú er það bara að njóta þess að vera í fríi og koma sér svo heim.

Hlakka bara til að koma heim

Eyrún

Ég er hress, samt óhress með þetta veður. Verð rosalega glöð þegar ég stíg útúr vélinni á Akureyrinni eftir um það bil 10 daga. Ég hlakka alveg rosalega til þessa sumars. Ég ætla að njóta þess svo að vera heima á Íslandi, hlakka eignlega bara til að byrja að vinna. Ég verð að vinna á sjúkrahúsinu, kannski á slysó í móttökunni. Það verður vonandi gaman. Lalli er svo pottþétt búinn að fá vinnu hjá SS Byggi þó honum dauðlangi ekkert alveg að vera í byggingavinnu. En það er fínn peningur í því.

Ég panta fullt af góðu íslensku kjöti í sumar..mmm…pottþétt grillað. Og líka íslenskann nýveiddann lax eða silung. Úff ég fæ nú bara vatn í munnin við að hugsa um þetta og ég er samt alveg pakksödd núna. Við gerðum rosa fínann kjúkling í kvöldmat með góðu salati.

Lilja kom svo til okkar í gær og er að fara í próf fyrir skólann í vikunni. Það er voða notalegt að fá hana í heimsókn og svo fær maður líka allar fréttirnar beint í æð frá Akureyri og sérstaklega Tónó. Það finnst mér gaman því mér finnst ég stundum vera alveg orðin útúr. Svo ætlum við að halda smá “samkomu” hérna um næstu helgi og fagna sumri og próflokum. Ég á til dæmis að vera að læra undir próf núna…hihi..

Naja, ich muss jetzt beginnen Deutsch zu lernen.

Bis später

Auf Wiedersehen

Eyrún

P.S ég setti nýjar myndir á netið

Það er ekki neitt rosalega margt búið að gerast síðan seinast. Það er bara búið að vera heitt og það er alveg fáránlegt að reyna að læra eða gera eitthvað af viti í þessum hita. Ég fúnkera barasta alls ekki og er greinilega íslendingur í húð og hár. Ég hlakka mjög til að koma heim í kuldann og geta bara klætt á mig hitann. Þetta er líka svo praktískt því maður getur bara notað sömu fötin, sleppir bara peysunni og gammó yfir sumartímann.

En nóg af tuði, ég er búin að taka eitt próf og á þrjú eftir. Svo verður bara gott að fá smá frí frá skólanum, er alveg farin að þrá frí og smá breytingu. Enda “á” maður að vera löngu kominn í frí, er ekki enn orðinn vön þessu tempói hérna. En skólinn klárast í næstu viku og ætlum við Lalli að nota síðustu dagana vel og hanga í sundi og borða góðann mat sem við fáum ekki heima. Það eru nokkrir íslendingar svo að taka próf inn í skólann í ár, þar á meðal hún Lilja mín. Ég er þegar búin að hitta tvær stelpur, þar á meðal Rannveigu sem ég var með í Lundarskóla. Það var gaman.

Svo var nú 17. júní um seinustu helgi og hittum við Íslendingana sem var eins og alltaf mjög gaman. Vorum alveg hress á Heurigen frá 3 til að verða 11 um kvöldið og kíktum svo nokkur í karíókí og brilleruðum alveg. En þar sem skólinn er svona langt fram á sumar hérna þá komst ég auðvitað ekki á 16. júbíleringuna, sem mér fannst rosalega leiðinlegt. Svo voru margar vinkonur mínar líka að útskrifast og ekki gat ég fagnað með þeim. En ekki örvænta, þið fáið eitthvað fallegt þegar ég kem til baka:)

Svo var Bush í Vínarborg í dag og við Lalli og Jón vorum rosa hress og fórum í mótmælagöngu. Það var gaman og skrítið, því það er alltaf líka svo skrítið fólk í svona göngum, eins og stríplíngarnir sem við sáum. En það var bara hressandi, er það ekki?

Ég kem bráðum heim…

Eyrún

Tónleikarnir gengu alveg rosalega vel og þetta var mikil upplifun að fá að syngja með stúlknakórnum og í þessari fallegu kirkju. Gærdagurinn var allur alveg ofboðslega notalegur og svo gott að fá Margréti í heimsókn. Hún náði auðvitað að draga mig aðeins í búðir og skemmtum við okkur alveg rosalega vel. Núna sakna ég hennar alltof mikið og allra heima á Íslandi og er með meiri heimþrá en nokkru sinni fyrr. Þetta verður vonandi fljótt að líða.

Við Lalli vorum líka alveg rosalega heppin í dag þegar við vorum á leiðinni í búð til að gera helgarinnkaupin. Fundum þessi fínu kristalsvínglös sem voru 6 á 6 evrur. Spottprís. Núna eigum við kristalsbjórglös og kristalsvínglös. Nokkuð fín á því.

Svo er HM byrjað eins og flestir hafa örugglega tekið eftir. Ég held að ég eigi eftir að sjá lítið af mínum ektamanni næstu daga. Ég er alltaf að reyna samt að vera meira með og skilja þennan leik en leikmennirnir eru bara einfaldlega of margir og leikurinn of flókinn fyrir mig:) Ég er búin að spyrja Lalla oftar en 10 sinnum hvað rangstæður sé en ég bara ætla ekki að ná því. En ég er alltaf að læra…kannski kemur það í 11 skiptið.

Þangað til næst….

Eyrún

Magga mús er að koma til Vínar í dag….og Tónleikarnir á morgun.

St. Peterskirche, 1010 Wien, 24:00
Sungin verður Gloria eftir Vivaldi.

Svo eru víst aðrir tónleikar í annarri kirkju á kristilegri tíma en ég er ekki með allar upplýsingarnar fyrir þá.

Endilega komdu ef þú ert í Vín.

Eyrún

Seinasta mánudag komu Hanna Lára, Maja og Torfi Geir í heimsókn til okkar. Við erum búin að bralla margt saman, fara saman í fullt af leynileiðöngrum og komast að fullt af leyndarmálum sem við megum ekki segja neinum. Því miður þurftum við Lalli stundum að fara í skólann en það reddaðist alveg. Enda alveg gæðagestir sem við fengum í heimsókn.

Veðrið hérna í Vín er nú ekki búið að vera upp á marga fiska núna seinustu viku. Við fengum eitthvað veður sent frá Íslandi og er það búið að vera í samræmi við það, endalaus rigning og kalt. Hér eru allir alveg gáttaðir á þessu því þetta er ekki venjulegt júní veður en við erum svosem vön. Í gær kom alveg hellidemba þegar við vorum á leiðinni heim og við eigum bara eina regnhlíf sem hann Heimir gaf Lalla í afmælisgjöf en hún er vel merkt : ICELAND og með mynd af víkingaskipum. Þá veit hver maður að við erum sko frá Íslandi, það er alveg gott því við erum stoltir Íslendingar. Við urðum svolítið blaut en það var alltílagi því við þornuðum alveg aftur. Í dag var líka spáð rigningu þannig að við vorum búinað ákveða að búa okkur vel og kaupa okkur alvöru regnhlíf eins og allir eru með hér, semsagt svona staf sem er svo stór að heill hópur getur verið undir henni án þess að blotna. Lalli fékk að velja og valdi þessa líka rosalega flottu regnhlíf sem er köflótt og svolítð snobbaraleg:) En þá ringdi auðvitað ekkert í dag og var bara ágætis veður. Við nutum þess vel og fórum á Naschmarkt og fengum okkur Kebab, Döner macht schöner

Þessa helgi er Pfingsten og þess vegna er hún aftur löng, frí fram á miðvikudag og verð að nýta hana eitthvað til að læra því að fyrsta prófið mitt er mánudaginn 12. júní. Svo fer ég bara í eitt en en það er 29. júní. Svo leggur Magga mús af stað á morgun og kemur til Vínar á fimmtudag. Það verður nú gott að fá hana og spennandi hvernig tónleikarnir ganga á föstudaginn.

Annars er maður alltaf að læra meira, þá bæði í söng og lífinu, og það er alveg stundum svolítið flókið. En ég held að það sem er best að læra er bara að hafa það gaman og gott.

Eyrún